"L'amico mio si' tu.
Comme te pare 'O tengo n'ato amico meglio 'e te
?'O stesso banco a' primma elementare?.
Nce vulevemo bene comme a cche?
Tu sempe 'nzisto, j' sempe cchiù abbunnato,
me suppurtavo 'a te cchiù 'e na pazzia?
Nun te ricuorde Me chiammave frato, ma t'arrubbave 'a marennella mia.
Che ffa Che ffa So' ccose ca succedeno... Cu chi t' 'a vuò piglià
Dammoce 'a mano. 'O bbì cca j' so' semp'io....
E tu si' ssempe 'o meglio amico mio.
'A zia nun te vuleva dint' 'a casa, ma j' cumbattevo pe' te fa' venì...
""Oi ninno mio, chillo t'abbraccia e vvasa,
ma tene ll'uocchie 'e chi te vò tradì"".
Quanno, cinc'anne fa, stive malato, vicino 'o lietto tuio stevo sul'io.
Ma, dint' 'a freve, miezo frasturnato,
te stupetiaste 'o portafoglio mio.
Che ffa Che ffa So' ccose ca succedeno... Cu chi t' 'a vuò piglià
Dammoce 'a mano. 'O bbì ca j' so' semp'io...
E tu si' ssempe 'o meglio amico mio.
L'amico mio si' tu.
Guardame 'nfaccia. Guardame buono 'nfaccia e nun tremmà.
Ancora me vuò stregnere 'int' 'e bbraccia
Tiene ancora 'o curaggio 'e me vasà
Vattenne, mariuolo!
'O ppuorte scritto dint' 'a chist'uocchie ca si' scellerato,
j' pe' vint'anne me so' stato zitto,
j' pe' vint'anne t'aggio perdunato.
Che ffa Che ffa
'Sta vota t'aggio cuòveto e nun me può arrubbà...
Primma te stenno 'nterra mmiez' 'a via,
e po' t'arruobbe 'a nnammurata mia."