Mamma addò stà?

Assunta, Rafiluccio, Reginella!
Salvaturiello mio, mo si cuntento
Ninuccia! Uh, Dio, comme s'è fatta bella! Tutte vicine a me?Nun me lassate.. Diece anne? diece secule so' state...
I' nun vedevo ll'ora 'e riturnà!
Mamma addò sta
...Pecchè nun è venuta Povera vicchiarella...
M'ha mannata a cercà na cullanella, e j' nce ll'aggio purtata:
a cullanella sta ccà! Mamma addò sta
I' m' 'a sunnavo sempe addenucchiata,
'a vicchiarella mia, 'nant' 'a Madonna...
Ma vuie l'avite sempe rispettata
Vuie site state sempe attuorna 'a nonna
Ma, grazie a Dio, mo nun le manca niente.. E ghiammo... e nun chiagnite... Alleramente!
Stasera nce vulimmo scapriccià!
Ma addò sta Pecchè nun s'è affacciata
Chiammate a vicchiarella.... Songh'io! Songh'io! Mammà!
Mamma mia bella! Songh'io ca so' turnato! Ve vulite affaccià!
Mamma addò sta Mamma addò sta
Nisciuno me risponde Tutte quante cu 'e ffacce comm'a cera...
Chi chiagne, ...chi me sfuje...chi s'annasconne...
Salvaturiello cu na scolla nera...
Ah, smaledette sieno chesti mmane ch'anno vuluto sempe faticà!
Meglio a desiderà nu muorzo e pane,
ma nzieme 'a vecchia mia, 'mbracc'a mammà!
Mamma addò sta Dateme a vecchia mia!
Pecchè so riturnato E 'o bastimento, no, nun s'è affunnato
Nun s'è perzo p''a via Che sso' turnato a ffa'
Mamma addò sta