Scetateve, guagliune 'e malavita,
ca è ntussecosa assai 'sta serenata,
i' songo 'o nammurato 'e Margarita,
ch'è 'a femmena cchiù bella d'a nfrascata.
L'aggio purtato 'o capo cuncertino,
p''o sfizio 'e me fa sentere cantà,
m'aggio bevuto nu bicchiere 'e vino,
pecchè stanotte 'a voglio ntussecà...
Scetateve guagliune 'e malavita!
E' accumparuta 'a luna all'intrasatto,
pe' lle da 'o sfizio 'e me vedè distrutto,
pe chello che sta femmena m'ha fatto,
vurria che 'a luna se vestesse a lutto...
Quanno se ne venette 'a parte mia
ero 'o cchiù guappo 'e vascio a Sanità,
mo c'aggio perzo tutta 'a guapparia
cacciatemenne 'a dint'a suggito...
Scetateve guagliune 'e malavita!
Sunate, giuvinò, vuttate 'e mane,
nun v'abbellite, ca sto buono 'e voce,
i' me fido 'e cantà fino a dimane,
i' metto 'ncroce a chi m'ha miso 'ncroce...
Pecchè nun vacchiù a tiempo 'o mandulino
Pecchè 'a chitarra nun se fa sentì
Ma comme, chiagne tutto 'o cuncertino,
addò avesse chiagnere sul''i...
Chiagneno 'sti guagliune 'e malavita!