Dduje paravise ('e)

Dduje viecchie professure 'e cuncertino,
nu juorno nun avevano che fa',
pigliaino 'a chitarra e 'o mandulino,
e mparaviso jettero a sunà.
Tuppettù, san Piè, arapite, ve vulimmo divertì?
Site 'e napule Trasite, e facitece sentì?
V'avimm' 'a fa sentì dduie, tre ccanzone,
ca tutt''o paraviso hadda cantà:
suspire e vase, musica 'e passione,
robba ca sulo a napule se fa.
E 'a sera mparaviso se cantaje,
e tutt'e sante jetteno a sentì!
'O repertorio nun ferneva maje:
Carmela, 'o sole mio, maria marì....
Ah, san Piè, chesti ccanzone sulo napule 'e ppò ffà.
Arapite stu balcone! 'A sentite sta città
E sott''o sole e 'a luna vuie sentite sti vvoce ca so' voce 'e giuventù:
si po' scennite llà nun 'o ccredite
vuie mparaviso nun turnate cchiù!
Ma, doppo poco, d''a malincunia
'e viecchie se sentetteno 'e piglià:
suffrevano nu poco 'e nustalgia,
e a napule vuletteno turnà.
Mo', san Piè, si permittite, nuje v'avimm'a salutà.
Site pazze! Che dicite Nun vulite restà ccà
Nuje simmo 'e nu paese bello e caro,
ca tutto tene, e nun se fa' lassà:
pusilleco... surriento... marechiaro....
'O paraviso nuosto è chillu là!