Canzone appassiunata

"N'albero piccerillo aggio piantato,
criscennolo cu pena e cu sudore,
na ventecata già mme ll'ha spezzato,
e tutt' 'e fronne cagnano culore..
Cadute so già 'e frutte.
E tutte quante erano doce e se so' fatte amare..
Mo' 'o core dice""Oj giuvinotto amante, 'e ccose amare tienele cchiù care..""
E, amara comme si, te voglio bene, te voglio bene e tu me faje murì!
Era comm'o canario nnammurato, stu core che cantaie matina e sera,
""Scetate!"" io dico, e nun vo' stà scetato..
E mo nun canta manco a primmavera..
chi voglio bene nun me fa felice:
forse sta ncielo destinato e scritto.
Ma i' penzo ca nu ditto antico dice
""nun se cumanna 'o core"".
E i' me sto zitto...
E me sto zitto si, te voglio bene, te voglio bene e tu me faje murì!
Chiagno p'ammore e cade 'o chianto mio dinto a sta testa:
'o chianto sta arracquanno.
Schioppa na bella rosa,
e i' pe' gulìo a chi mm'ha fatto chiagnere ce 'a manno.
Lle dico""Rosa mia, tu mme perduone si te scarpesarrà senza cuscienza..
.Ce sta nu ditto ca ce da raggione:
""Fa bene e scorda, e si faje male, penza!""
Pienzece buono si,
te voglio bene, te voglio bene e tu mme faje murì!"