Carulì cu st'uocchie nire nire

Carulì, pe st'uocchie nire, nire, nire,
pe sta vocca rossa, tu mme faie murire!
Ma murì nun voglio, né lassarte maie,
tengo na speranza ca t'arrennararraie..
Oi Carulì, oi Carulì, Oi Carulì!
Mme vuo' fa' struire accussì!
Mena, Carulì Mena, Carulì Mena, Carulì!
Nun 'o fa' chiagnere accussì!
E ll'ammore è fatto come a na nucella,
ca si nun se rumpe nun t''a puo' magnà.
Tu si' tosta è overo, ma si troppo bella,
chi t'ha canusciuta nun te pò scurdà!
Oi Carulì.... Mena Carulì.............
Sta nuttata è doce, sta luna è d'argiento,
tu mme miette ncroce pe na cosa 'e niente!
Tutto attuorno canta: Ammore, ammore ammore!
E risponne, attuorno, ogn'anema, ogne core.